Як і знакаміты мультфільм "Прыгоды ката Леапольда", гэты спектакль пранізаны ідэяй усеагульнага сяброўства: "Хлопчыкі і дзяўчынкі, давайце жыць дружна!". У ходзе дзейства ў "сяброўскае кола" ўцягваюцца юныя гледачы, якія знаёмяцца з героямі і нават ствараюць дэкарацыі на сцэне. А ўжо другая частка спектакля распавядае непасрэдна пра адносіны Мышэй і ката Леапольда, якія ў фінале пасля смешных канфліктаў і прыгод усё ж мірацца.
