Спектакль "На другі дзень Сёмухі" - сцэнічны жарт на драматургічнай аснове "Прымакоў" Янкі Купалы. Рэжысёр-пастаноўшчык Юрый Вута пакінуў усё, як было ў класіка, толькі ўвёў дадатковы персанаж Суфлёра – чалавека ад тэатра, каб яго своеасаблівымі каментарыямі патлумачыць тое, што адбываецца, сучаснаму гледачу. Сюжэт застаўся той жа: пасля святочна-застольнай "страты памяці" бацькі сямействаў памяняліся жонкамі і хатамі, лічачы, што чужое заўсёды "лепш", але на другі дзень Сёмухі прыйшлося ўносіць у "абмен" карэктывы. Спектакль афарбаваны непаўторным купалаўскім гумарам, які ілюструе менталітэт тагачасных беларусаў.
