«КАРОНА З КАХАННЯ” 14+

(лірычная драма па п’есе Анатоля Дзялендзіка, прысвечаная жыццю і творчасці Янкі Купалы)

Рэжысёр-пастаноўшчык – Венедыкт Расстрыжэнкаў

Сцэнограф  - Дар’я Волкава

Музычнае афармленне – Алена Атрашкевіч

Пластыка – Таццяна Карпец 

    Вялікіх мастакоў слова “карануе” час, і ў гэтай іх кароне дыяментамі зіхацяць думкі, мары, перажыванні, якія ўвасобіліся ў творах, што яны пакінулі нашчадкам. Але лёс дорыць творцам акрамя выпрабаванняў і высокія пачуцці, з якіх таксама складаецца своеасаблівая карона – карона з кахання. Гэта лірычная гісторыя пра тое, як у жыцці маладога паэта Янкі Купалы з’явілася акторка-аматарка Паўліна Мядзёлка, што першай выканала галоўную ролю Паўлінкі ў яго аднайменнай камедыі, і якое месца яна заняла ў сэрцы Песняра. Дзеянне спектакля развіваецца імкліва, уцягваючы гледача разам з героямі ў вір часу. Усё мяняецца, пастаянным застаецца адно – каханне паміж Янкам і Паўлінай. Гэта іх адна карона на дваіх.

Спектакль ідзе на беларускай мове, працягласць –  2 гадзіны  15 хвілін.